تبلیغات
وبلاگ اشعار صابر عبادی - ((بئـــله زامــــانلا))
وبلاگ اشعار صابر عبادی

((بئـــله زامــــانلا))

چهارشنبه 23 اردیبهشت 1394

                          ((بـــئله زامــــانلا ))

عیبرت یـازدیـم ائشید منـدن سؤزلری

دوتـوعب قـولاقــلاری یــوممــا گؤزلری

نـیـــــــاز یـوخـدو دانــلامـاغـــا دوزلری

.............. ائیــریلـرسؤزومــه کــاش باخـــاجانلا

.............. بـیلمیــرم نــــه ائـدیـم بئلــــه زامانلا


شاهـید دی ایشلـره خالقـی یارادان

احــتیــرامــلار گــؤتــــورونــــوب آرادن

آغـلا قیـرمیــز سئچیلمیـردای قارادان

.............. ائیــری اوزو دئیـــر گـــئل منــی دانلا

.............. بــیلمیــرم نــــــه ائـدیـم بئلـه زامانلا


قارداش قـارداشینـان قانلـی پیچاقدی

یــتیمــلرمسکنــی کــونجـدو بیجاقدی

یاندیردیغی چیــراغ حیسلـی اؤجاقدی

............... منــده آغـلیــرام اوبـــــاغـــــری قانلا

............... بــیلمیــرم نـــه ائـدیـم بئـــــله زامانلا


خاطیرحورمت یـوخدو اوشاق بویوکده

دای اینصــاف قالمیـوب آریخـدا کوکده

ایضــافــه پــال پـالتــار قالیبـدی یوکده

...............یوخسول ائو سووییـرپالچیخ سامانلا

............... بـیلمیـرم نـــــــــه ائـدیـم بئلــه زامانلا


دای جـاوانلار بــاخمیــر آتـــا سوزونه 

دیل لنجک بارماغیـن سوخـور گؤزونه

چـوخـلار شیل لــه ویـریـر آنــا ئوزونه

............... اوتـان اوغـول دویـوشمـــــــه اؤز آنانلا

............... بـیلمیــرم نـــه ائـدیـم بئلــــــه زامانلا


قـیــز گئلیــن ایــنجیدیــــر آتــا آنانی

چئکمیــل لــر قیــراغـــــا اودا یانانی

گؤزومجک ایستـه رم سوزون قانانی

.............. سنــده ائــیله شگینـن ســوزون قانانلا

.............. بــیلمیــرم نـــه ائـدیـم بئلـــــــه زامانلا


زامان خـاراب اولـوب باخان یوخ  یاشا

جــاوانــلارقیـــز کیمی تیـغ ویریرقاشا

اعـتبــار ائده نمیـــر بــاجــی قارداشا

.............. دولانــمـاخ چـتینـــدی پــیسلــه یامانلا

.............. بــیلمیــرم نــــــه ائـدیـم بئلــــه زامانلا


آغ سـاقـقالا حـورمت قائیل اولان یوخ

چــوخلار حـرمله تک دولانـدیـریــر اوخ

دیـلله ننــه دئیــر دانیشمـا چوخ چوخ

.............. اوره گـــون دئـــلــه رَم اوخلـــو کامانلا

.............. بــیلمیــرم نــــه ائـدیــم بئلــــه زامانلا


قرآنــدا وار نـــامــاز ستـــون دیندی

چوخلاری نـامازا سوستـالیب ایندی

قیلانی یـوز اولسا قیلمیـــان میندی

............. بــعضیلـــر دوز دئــمیــر دئیلـه ن آذانلا

............. بـیلمیــرم نـــــــه ائـدیـم بـئلــه زامانلا


قرآنلار آچـیلمیر بـئش آیـــدا بیـر یول

یالانلا چاخـانلا دولوبــدی ساغ صول

حاق اوستـه ویـریلیب ازیلیرقیچ قول

............... چوخلار  طره ف دوشوب دینله ایمانلا

............... بـیلمیـــرم نـــــه ائدیــم بئلــه زامانلا


اینصــاف ایـاخلانیب زیـرزیبیل کیمی

قــلبیلــر اولــوبـــدی زنـجفیل کیمی

اربـابـا پــــــول آخیـــر رود نیل کیمی

............... یــوخسول دیبــدن بـاتیـر آدیلا سانلا

............... بـیلمیــرم نــــه ائـدیـم بئـــلـه زامانلا


آخـشامــاجاخ بـاشلیوریـخ غیبتی

دوستـا یـادا یاپیشدیرریــخ تهمتی

اودی آلله الـــدن آلیـــــــــر نعمتی

.............. نـعمتیـن یـوللیــور قـــابــــــــلا قازانلا

.............. بـیلمیــرم نــــــه ائــدیــم بیلـه زامانلا


گئد گـئلیش یـول لارا قیروروخ تله

بیری ساده اؤلــدی  سالیریخ اله

ایــنتیظـــار واریـمیــز آغـامیز گئله

.............. آغـــا مــوخــالیفـدی قــویــــو قازانلا

.............. بـیلمیــرم نـــــه ائــدیـم بئلـه زامانلا


اوروجدوخ یتیشجک آغـــرییرباشلار

قیچلارسانجی دوتور بـؤزولورقاشلار

هِئله بیرباشلاراکاش دوشه داشلار

................ اولاری دؤیه للــــر  ســاری تیکانلا

................ بــیلمیــرم نـــه ائـدیـم بئلـه زامانلا


آخـیـرت فیکرینـه بیـرده قــالان یوخ

یئتیمین فـقیـــرین کؤنلون آلان یوخ

الله هین اولـومین یـادا ســالان یوخ

.............. تــوپـراق آلتدا قــال لیخ افعی  ایلانلا

.............. بــیلمیــرم نـــه ائـدیـم بئــــله زامانلا


تـانـریدی یـاغـدیران یاغیشی قاری

بئشر گوزه تله سین نامیسی آری

ایمتـاهــان آلاجـــاخ هـامیـدان تاری

.............. قـــالاریــخ قـبــریـــــــــده آه لا فغانلا

.............. بــیلمیــرم نــــه ائـدیــم بئلــه زامانلا


گــون قــابـاغیـن گویــده آلان ابـردی

اینسانین ثیــروه تـی دؤزوم صبـردی 

سونـــداکی ائــو مـوسلمانـا قبـردی

.............. بــیز گئـره ک کئـچینک یاغلی یاوانلا

.............. بیـلمیـرم نــــه ائــدیـم بئلـــه زامانلا


آخــیریــن بــیتیمــی یـازیـــرام بئله

سؤزلری اوخویان وئرمـه سین یئله

((عبـادی یم)) اؤزوم قول اولام ائله

.............. دوشمـن اؤلــماسینلا شعیری یازنلا

.............. بـــیلمیـرم نــــه ائــدیـم بئلـــه زامانلا


BHW
شنبه 19 فروردین 1396 05:08 ب.ظ
Attractive section of content. I just stumbled upon your web site and in accession capital to
assert that I get actually enjoyed account your blog posts.

Any way I will be subscribing to your feeds and even I achievement you access consistently quickly.
پاسخ صابر عبادی : سلام ازسرزدنت ممنونم
BHW
جمعه 11 فروردین 1396 01:30 ب.ظ
Thanks for another magnificent article. The place else may anyone get
that kind of info in such an ideal method of writing?
I've a presentation subsequent week, and I am at the search for such info.
پاسخ صابر عبادی : سلام ممنونم از سرزدنت
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


فهرست وبلاگ
پیوندهای روزانه
آرشیو
نویسندگان
پیوندها
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
جستجو
آخرین پستها