((موحتاج ائیلمه ))

یئرگؤیــی خالق ائـدن اؤزکـره میندن

ســاغ الی صــؤل الـه موحتاج ائیلمه 

 

شیرین دانیشیخلارشیرین دیلـده دی 

دیلسیزلری دیــــله مـــــوحتاج ائیلمه 

 

اینسـانــــا یـازیبســـان آلینــــدا یازی

قانــــاد سیـز ایلمــــه اورده یی قازی  

عاشیغین دؤشونده سوسلاتماسازی

.................. کافریـــده ائلـــه موحتاج ائیلمه 

 

هرکسیـن اوزونـده چکیبسن قاشین

توکمـه روخسارینـه یتیــم گـؤزیاشین

داراخسیـز ائیله مه آنـــا سیز باشین

.................. داراغی سن تئـله موحتاج ائیلمه

   

قوروتمــا گــولــونــــو سن اوجا داغین

آرتیـــر صـافـاسینــی بـاغچانین باغین

سپ عطرینـی باغـــاسبـــــز یارپاغین

.................. بو لبــول لری گولــه موحتاج ائیلمه 

 

سوسوز یئـرده دولانساخ یوخدی فایدا 

ده ره لردن آخسین سـو گزسین چایدا

سوسوزلـــوخ چکمییــخ بــاهــاردا یایدا

................... چایلالخلاری سئـله موحتاج ائیلمه 

 

زمیــلری آرپــا بــــوغـــــدا گؤتورسون 

تیکـــــــانلــاری دره دؤزدن  ایتیرسون 

آرپا بوغـدادؤلــو سومبــــول گتیرسون 

..................... بوستـــانلاری کُـوله نوحتاج ائیلمه  

 

گونــدرگلسین آغ یــاغیشـــــی چوللره

قوشلار دسته لنیب اوچسون گؤی یلره

صــافــالــی یئــرلـــرده قــونسون گوللره             

...................... قوشلاری سومبوله موحتاج ائیلمه

گــؤتـــورونســـون آرامیــــــزدان باهالیخ

((عبــــادی)) دِه تـــاپاخ حـــــقدن اوجالیخ  

جــاوانلیقیـن وار اوستـــــونـــــده قوجالیخ 

             هئــچ  قـــوجانــی الـه موحتاج ائیلمه