تبلیغات
وبلاگ اشعار صابر عبادی - ((آنـــــامدی آنــــام ))
وبلاگ اشعار صابر عبادی

((آنـــــامدی آنــــام ))

یکشنبه 3 خرداد 1394

            (( آنـــامــــدی آنـــام ))

گؤزومــون نورودی باشیــمیــن تاجــــــی 

دؤنه ریــخ باشیـــنا بیزقــارداش باجــــــی

یـاددان چیخـــماز قــدیم تنــدیری ساجــــی 

................... یادیـــنا ســالانیـــم آنامــــدی آنام 

................... قایـــــدیما قالانیـــم آنامـــدی آنام

دیــزلــریـــمه قـــووه قــلبیـــمه قانـــــــدی 

اونــا تــای تاپـیلمـــاز جــانیــما جانــــــدی

تانــری عـومـــرون اوزون ایـــله آمانـــدی

................... قــــاپیمی چـالانیـــم آنامــدی آنام 

.... .............. قـــــایدیما قالانیـــم آنامــــدی آنام 

چـاغیــراندا جــانـــا دئیــه ر ســـوزومـــــه 

راضـــی اولـــماز آغــری گلـــه گؤزومـــه

محببتـــله گــــؤزون تیــــکـــر اوزومـــــــه

.................. یــــــانیمی آلانیـــم آنامـــــدی آنام 

.................. قــــــایدیما قالانیـــم آنامــــدی آنام

شـــکردن شیــریندی گـــؤزه ل  کلمه سی 

روحــا صیــغال وئــریر گئدیـب گلمه سی 

غمــلی کونــلو آچـــیر دئــیوب گولمه سی 

.................. آلا گـــؤز طرلانیـــم آنامـــــدی آنام 

.................. قـــــــایدیما قالانیــــم آنامـــــدی آنام

صــوفــاتی گویچـکدی قیرمیــزی گولــدن 

ســاچلاری اوزونــــدی ساری سونبــولدن

سئـسی سیبــــقت آلیــــــــر آلا بولبـــــولدن 

................... وار یــــوخدا اولانیـــم آنامـــدی آنام 

................... قـــــــایدیما قالانیـــــــم آنامــدی آنام

دانیشانـــدا بــال تــــؤکوله ر دوداخــــدان

خوش ایی گئــلر اوتــوردوغی اوتاخــدان

گـــؤروم  الله تـــئزدوشمه سین ایاخــــدان

................... غـــــــم گونده سولانیــم آنامــدی آنام 

................... قــــــایدیمـــا قــالانیـــم آنامـــدی آنام 

ایستــه مزتـــوکــوجن آغــریسین باشیـــم 

ال آتـــاراوزونـــه  آخســـا گـــؤزیاشیـــم 

ائــوه گــــئج گلنـــده  باجیـــم قارداشیــــم 

.................. ســـــاچلارین یولانیـــم آنامــــدی آنام 

.................. قـــــــایدیــما قالانیــــــم آنامــــدی آنام

((عبـــــادی)) آنــادی آغیــــزلار ســـوزی

ائــولادیننـــان ساری آغلـــیوب گــــــؤزی 

دانیشجــــاخ دیــلینـــه باسمیــــاخ کــــؤزی 

................. جـــننتیـــــم جینانیــــــم آنامــــــدی آنام 

.................. قـایـــــدیمـــا قالانیـــــم آنامــــــدی آنام



BHW
چهارشنبه 30 فروردین 1396 01:52 ق.ظ
Howdy! I just wish to give you a big thumbs up for your excellent information you've got right
here on this post. I'll be returning to your blog for more soon.
پاسخ صابر عبادی : سلام ازسرزدنت ممنونم
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


فهرست وبلاگ
پیوندهای روزانه
آرشیو
نویسندگان
پیوندها
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
جستجو
آخرین پستها